Aajmaish.. Continue...

Inteha to dekho meri sadgi ki,

Tamanna thi kisi ko doob ke chahne ki..

Magar khuda ki rehmat na thi dil ki lakiren padne ki..

Kehne ko dil jawa roshni se rawan hai,

Magar apni fitrat na thi ujaalo me jeene ki..

Mazahar me sabkuch roushan hi nazar aata hai..

Magar jo jalkar khud roshni banata hai,

Bas wahi najar nahi aata hai..

Fir jarurat kya thi andhero se katarane ki

Safar Dariya Junoon aur Manzil,

Duniyadari ki ulajhi se ibaraten hain..

Apna kya hai hum to chalti firti Aajmayishe hain..

Jarurat kya thi yun hume aawaj dene ki,

Taqdir ko aadat na thi muskurane ki...

..

Silent Gospel

Khushiya aur gum sehti hai, Aksar
Ye chup rehti hai..
Kabhi-kabhi andhere galiyaron me bhatkate huye,
tilmilati hai..

Sach ki khoj me jhatpatati hai,
Fir bhi kisi ne na jana ki,
Ye zindgi kya kehti hai, Aksar
Har lamhe ko mehsus karti,
Yado ko bar-bar sehlati hui,
Rula deti hai zindgi..
Fir bhi kisi ne jana,
Kya dikhlati hai zindgi, Aksar

Har chokhat pe jalte huye diye ki manind,
Har rahi ko bulati hai zindgi..
Mandiron ke shankh naad se
Shamshaan ke cheetkar tak,
Bhagti daudti parchaiyon ke mele me
Ek bachde ki pukar bhi sunati hai jindgi..

Darbaro ki mehfil se
futpatho ki bagiya tak..
Tanhayi ki marichika se,
Pyaar ki roushni tak
Har aehsas ko chhuti hai zindgi..
Fir bhi na jane kyo khamosh rehti hai zindgi...